Muzrabotda yo‘llar ta’mirlanmoqda…

Har doim yo‘l yurar ekanmiz, yo‘limiz behatar bo‘lsin, deya duoga qo‘l ochamiz, bunda yo‘lning tekisligi yoki o‘nqir-cho‘nqirligi muhim ahamiyat kasb etadi. Hayotimiz davomida sodir bo‘layotgan avtohalokatlarning aksariyat holati yo‘lning ta’mirtalabligi bilan bog‘liqligi hammamizga ma’lum.
Ana shunday ko‘ngilsizliklarni bartaraf etish hamda davlatimiz rahbarining topshirig‘iga binoan, Muzrabot tumanida davlat ahamiyatidagi yo‘llarni ta’mirlash ishlari jadallik bilan amalga oshirilmoqda. Bu esa yo‘l harakati ishtirokchilari salomatligini asrashga, harakat xavfsizligini ta’minlashga xizmat qiladi.
Xususan, davlatimiz rahbarining 2023-yilning 16-17-noyabr kunlari Surxondaryo viloyatiga tashrifi chog‘ida Muzrabot tumanidan kesib o‘tuvchi davlat ahamiyatidagi 4K626 “Sherobod sh.—Boldir temiryo‘l stantsiyasi” avtomobil yo‘lining 8 kilometr qismini ta’mirlash bo‘yicha bergan topshiriqlari ijrosini ta’minlash maqsadida ta’mirlash ishlari olib borilmoqda.