“Jaholatga qarshi – ma’rifat”

Jazo muddatini o‘tayotgan mahkum uchun belgilangan muddat davomida hayotini sarhisob qilishi, qayerda xato qilganini tushunib yetish, tegishli xulosa chiqarish, saboq olish muddatidir. Tuzalish, jamiyatga, odamlar orasiga, oilaga sog‘lom fikr, sog‘lom dunyoqarash bilan qaytish esa unga ikkinchi imkonni bergandek bo‘ladi. Ozodlikning qadriga yetish uchun ham mahkumlik bir sinovdir.
Ana shunday anglashlar davrida Termiz shahridagi “A.Jomiy” mahalla fuqoralar yig‘inida joylashgan shahardagi 9-son tergov hibsxonasida jazo muddatini o‘tayotgan mahkumlar bilan maʼnaviy-maʼrifiy targ‘ibot tadbiri bo‘lib o‘tdi. Respublika Ma’naviyat va ma’rifat markazi Termiz shahar bo‘linmasi tashabbusi bilan “Jaholatga qarshi – ma’rifat” shiori ostida o‘tkazilgan tadbirda so‘z olganlar yoshlarni vatanparvarlik ruhida tarbiyalash, ekstremizm va terrorizmning salbiy oqibatlari, dinlar o‘rtasida o‘zaro ishonch, teng huquqiylik, tinchlik va totuvlikni targ‘ib qilish maqsadida fikr va mulohazalarni bildirib o‘tdilar.