Yurtimizda qanchadan-qancha insonlar xorijga ishlagani ketib, yolg‘on va’dalarga ishonib, oqibatda har xil qiyinchiliklarga duch kelib, sarson-sargardonda najotsiz qolishadi. Endilikda bunday vaziyatga tushib qolmasligi uchun yurtdoshlarimizga qulay sharoitlar yaratish hamda kambag‘allikni qisqartirib, bandligini ta’minlab, turmush farovonligini yaxshilash maqsadida xorijga ishlash istagi bo‘lgan fuqarolarimizga yurtimizda keng imkoniyatlar eshigi ochildi.
Xususan, fuqarolarga til o‘rganishlari uchun bepul to‘garaklar tashkil etilgan. Bundan tashqari, xorijda ishlash uchun ketayotgan fuqarolarga mehnat migratsiyasi elektron dasturiy majmuasida ro‘yxatdan o‘tib, til o‘rganish, ishchi vizani rasmiylashtirish, yo‘l chiptasini xarid qilish bilan bog‘liq xarajatlarni qoplash uchun kompensatsiya to‘lanadi. Shuningdek, mehnat migrantlariga subsidiya va kompensatsiya ham ajratilishi eng yaxshi yangilik deyish mumkin.
D.Mahmudova
