Xotira turniri bo‘lib o‘tdi

Jarqo‘rg‘on tuman sport maktabida erkin kurash, Yunon-rum kurashi hamda ayollar kurashi bo‘yicha Qodirov To‘xta bobo xotirasiga bag‘ishlab, senator Bahodir Qodirov sovrini uchun viloyat birinchiligi musobaqasi bo‘lib o‘tdi.
Musobaqaning ochilish marosimida senator B.Qodirov, O‘zbekiston Respublikasi Sport vaziri o‘rinbosari M.Ismoilov, Surxondaryo viloyat sport boshqarmasi boshlig‘i B.To‘raboyev hamda tashkilot rahbarlari ishtirok etdi.
Musobaqaga 500 nafarga yaqin yosh 10 ta vazn toifasi bo‘yicha ishtirok etdi. E’tirof etish kerakki, kurash qiziqarli va murosasiz olishuvlarga boy bo‘ldi. Kuchlilar, mahoratlilarning qo‘li baland kelib, raqiblarining kuragini yerga tekkazdilar. Yakunda esa g‘olib va sovrindorlarning har birlariga pul mukofotlari topshirildi.