Interaktiv o‘yin orqali

Hech o‘ylab ko‘rganmisiz, “Men Boburni nechog‘lik bilaman?” deya. Kimdir o‘zida ishonch bilan shoh va shoirning hayoti va ijodi bilan tanishligidan iftixor sezsa, kimdir sarosimaga tushishi aniq. Termiz iqtisodiyot va servis universitetida Zahiriddin Muhammad Boburning 541 yilligi munosabati bilan “Boburga ehtirom” shiori ostida tashkil etilgan interaktiv o‘yinlar orqali bobomiz haqida bilganlarini keng jamoatchilikka ma’lum qilgan bo‘lsa, tomoshabinlar bilimlarini yanada boyitdi. Ozlari uchun Zahiriddin Muhammad Boburni kashf etishdi.
Interaktiv o‘yin, o‘z nomi bilan anglatganidek, qiziqarli kechdi va yoshlarni faollikka chorladi. O‘yin davomida shoh va shoir Zahiriddin Muhammad Bobur haqida talabalar hamda ustozlar tomonidan ma’lumotlar keltirildi. “So‘z o‘yini” metodi orqali talabalar tomonidan ruboiylari aytildi.
Zahiriddin Muhammad Bobur hayoti va ijodi haqida savol-javob viktorina o‘yinlari orqali talabalar bilimi sinovdan o‘tkazildi.