Imkoniyat va sharoit uyg‘unlashsa…

Kelajakda qaysi kasbni egallashimiz ko‘p hollarda bolalikdagi orzularimiz bilan chambarchas bog‘liq bo‘ladi. Qolaversa, qiziqishlarimiz, iqtidorimiz ham boshqa kasbni tasavvur etishga yo‘l qo‘ymaydi. Sho‘rchilik Shahnoza A’zamova ham shirinliklar pishirishni yoshlikdan yaxshi ko‘rgani uchun ham pishir-kuydir sevimli mashg‘uloti edi. Bu qiziqish ulg‘aygani sari maqsadga aylanib, qo‘li shirin pazanda bo‘lib yetishishiga xizmat qildi.
Bu esa Shahnoza A’zamovaning jamiyatda, el orasida hunari ortidan hurmat, e’tibor qozonishiga sabab bo‘ldi. Bundan opaning quvonchi cheksiz. Qahramonimizning shirinliklarini ta’tib ko‘rgan borki, faqat va faqat shu shirinliklarni ko‘ngli tusaydigan bo‘ladi. E’tiborga tushish o‘z-o‘zi bilan bo‘lmagan albatta, buning uchun opaning tinimsiz mehnati, o‘z ustida ishlab, tajribasini oshirgani qo‘l keldi. Ayniqsa, imtiyozli kredit olgani bu yo‘lda o‘z tadbirkorlik faoliyatini kengaytirishga sabab bo‘ldi. Hozirda 3 nafar shogirdi bilan 10 turdagi shirinliklarni tayyorlayapmiz. Kelgusida yana imtiyozli kredit olib, faoliyatini kengaytirish niyatida.