Muammo hal etildi

Ekin ekiladigan hududda sho‘rlanish yuzaga kelsa, unday joyga urug‘ ko‘karmaydi, balki sho‘rlanish maydoni kengayib, yerlarning meleiorativ holati buziladi. Buning ekologiyaga ham salbiy ta’siri nihoyatda katta. Muzrabot tumanidagi 32-sonli Ixtisoslashtirilgan davlat umumta’lim maktabi hududida ayni holat kuzatilayotganligi sababli maktab direktori Xolmurod Qo‘ziyev tashvishga tushib, holatning oldini olish yo‘llarini qidirdi.
Shunday kunlarning birida Surxondaryo viloyati hokimi Ulug‘bek Qosimov tumandagi 32-sonli Ixtisoslashtirilgan davlat umumta’lim maktabida joriy etilgan markazlashgan isitish tizimi va ta’lim maskani hududini obodonlashtirish holati o‘rganish maqsadida tashrif buyurdi. Qulay fursatdan foydalangan maktab direktori holatni tushuntirdi.
Shundan so‘ng, qisqa fursatda tuman Melirotsiya bo‘limi tomonidan maktabdagi yopiq gorizontal dronaj tarmoqlari maxsus texnikalar yordamida tozalandi.