Zulfiya izdoshlari saralandi

Zulfiya deganda samimiy va ziyoli, ijodkor shoira siymosi ko‘z o‘ngimizda gavdalanadi. Qizlar yoshligidan ayni Zulfiyaxonimdek shoira bo‘lishni qalbiga tugib, qo‘liga qalam tutib, qog‘oz qoralashga tutinadi. Inja tuyg‘ularini misralar orqali bayon etadi. Munosib izdosh bo‘lish istagi, ishtiyoqi esa Zulfiya nomidagi davlat mukofotini olishga undaydi.
Iqtidorlar saralanib, mukofotga loyiq topiladi. Zulfiya nomidagi davlat mukofoti uchun saralashning Sho‘rchi tuman bosqichida esa ishtirokchilar ta’lim, adabiyot, san’at, madaniyat, sport va boshqa yo‘nalishlarida o‘z mahoratlarini namoyon etishdi.
Tanlovda yo‘nalishlar bo‘yicha g‘oliblikni qo‘lga kiritgan ishtirokchilar esdalik sovg‘alari bilan taqdirlanishdi.