“Istiqlol”ning 5 ta ko‘chasi asfaltlandi

Bugun yo‘lingiz vohaning eng olis va chekka hududlariga tushsa ham tekis va ravon yo‘llardan huzurlanib yurasiz. Hatto ichki yo‘llar ham asfaltlanib, aholi uchun barcha qulayliklar yaratilgan. Ana shunday bunyodkorlik epkini esayotgan bir paytda qishloq va ovullarda ham shahardagidek shart-sharoit, qulaylik yaratilgan.
Bu borada aholi murojaatlarini hal etish, turmush sharoitlarini yaxshilash va mahallalar infratuzilmasini rivojlantirish maqsadida qator tadbirlar amalga oshirilib kelinmoqda. Ana shunday tadbirlarning navbatdagisi Termiz tuman hokimligi tashabbusi bilan “Istiqlol” mahallasida amalga oshirildi. Mahallaning 5 ta ko‘chasidagi 1,7 kilometr masofadagi ichki tosh yo‘llarga mahalliy byudjetdan ajratilgan mablag‘lar evaziga to‘liq asfalt qoplamasi yotqizildi.