Toshko‘mir maydonlari xususiy sektorga beriladi

Mamlakatimiz qazilma boyliklariga nihoyatda boy. Ular ichida ko‘mir esa alohida o‘rin tutadi. Xususan, Surxondaryo viloyatida ham ana shunday ko‘mir konlari mavjud bo‘lib, viloyatning qator tumanlarida mazkur mahsulotning turli xili qazib olinayotganidan xabaringiz bor. Boysun hamda Sharg‘un konlari ko‘miri sifatining yuqoriligi bilan tillarda doston bo‘lgan bo‘lsa, zaxiraning ko‘pligi bilan boshqa shunday konlardan ajralib turishi ham bor gap. Oltinsoy tumanida ham ochiq usulda yangi ko‘mir konlari o‘zlashtirilib, ishlar jadal sur’atlarda davom etayotir.
Prezident Shavkat Mirziyoyev Surxondaryodagi toshko‘mir bo‘yicha 5 ta istiqbolli maydonni xususiy sektorga bergani ular uchun muhim va yaxshi yangilik bo‘ldi. Bunday qaror esa geologiya-qidiruv ishlarini jadallashtirishga xizmat qiladi. Aholi esa sifatli hamda arzon ko‘mir bilan ta’minlanadi.