Rossiyadan bronza bilan…

Ishtiyoq va qiziqish bo‘lsa, inson imkoniyatining cheklanganiga ham qarab o‘tirmaydi va intiladi. O‘z oldiga maqsad qo‘yib odimlaydi. Sho‘rchilik 17 yoshli Doniyor ham xuddi shunday yoshlardan biri. U sportning taekvando turi bilan muntazam shug‘ullanib keladi.
Doimiy tashkil etilib kelinayotgan sport musobaqalari esa Doniyor yanglig‘ ko‘plab sport sevar yoshlarni yuzaga chiqarmoqda. Mehnat-u mashaqqatlarini, harakatlarini munosib rag‘batlantirishga xizmat qilmoqda. Doniyor Toshmirzayev Rossiyaning Ufa shahrida o‘tkazilgan xalqaro surdoolimpiadachilar yozgi o‘yini musobaqasida sportning taekvando yo‘nalishi bo‘yicha ishtirok etdi.
Musobaqa davomida bor mahorat va imkoniyatini namoyon eta olgan Doniyor Toshmirzayev 3-o‘rinni qo‘lga kiritib, bronza medalining sohibiga aylandi.