4 YILLIK SARSONGARCHILIKKA BARHAM BERILDI

Tadbirkor davlat himoyasida deya bot-bot takrorlaymiz-u tadbirkorlarning huquq va majburiyatlarini bilmasliklari ana shunday himoyadan foydalana olmasliklariga sabab bo‘ladi. Xuddi shunday sherobodlik fuqaro ham 4 yil sarson bo‘lishiga to‘g‘ri keldi. Fuqaroga tegishli tumanning “G‘o‘rin-Gilambob” mahallasi hududida joylashgan 4000 kv.m. maydonda joylashgan oshxona binosi buzib tashlandi. Tomonlarning tegishli kelishuv bitimi tuzilganligiga qaramay, kerakli kompensatsiya puli to‘lanmay kelinayotgan edi.
Ra’ni Abdujalilova tuman adliya bo‘limiga ushbu holatdan norozi bo‘lib murojaat yo‘lladi. Murojaat adliya bo‘limi tomonidan vakolat doirasida o‘rganib chiqilib, tuman hokimligidan fuqaro R.Abdujalilovaga buzilgan do‘koni uchun to‘lab berilmagan kompensatsiya pullari undirib berilishi yuzasidan fuqarolik ishlari bo‘yicha Sherobod tumanlararo fuqarolik sudiga da’vo arizasi kiritildi. Natijada fuqaro murojaati ijobiy hal etilib, tuman hokimligidan murojaatchi foydasiga 491 690 822 so‘m miqdorida kompensatsiya pullari undirilishi sud tartibida belgilandi.