Bahor mavsumida 10 milliondan ortiq daraxt ko‘chatlari ekiladi

Date:

“Yashil makon” umummilliy loyihasi bugungi kunda xalqaro tashabbusga aylandi. Loyiha doirasida yiliga 200 million tup daraxt va buta ko‘chatlarini ekish orqali shaharlardagi yashil maydonlarni amaldagi 8 foizdan 30 foizga oshirish reja qilingan. Surxondaryo viloyatida ham mazkur umummilliy loyiha doirasida kuz va bahor mavsumlari uchun daraxt va buta ko‘chatlari ekish bo‘yicha rejalar belgilab olingan. Birgina o‘tgan 2022-yil kuz mavsumining o‘zida viloyatda 6,5 milliondan ortiq ko‘chat ekilgan bo‘lsa, bu yilgi bahor mavsumida 10 million tupdan ortiq daraxt ko‘chatlari ekish, parvarishlash, yashil hududlarni kengaytirish maqsad qilingan.
Surxondaryo viloyat hokimi Ulug‘bek Qosimov rahbarligida Termiz tumanida ushbu tadbirlar oldidan daraxt ko‘chatlari ekish bo‘yicha seminar o‘tkazildi. Unda mutaxassislar viloyatimizga yangidan keltirilayotgan 7 turdagi daraxt ko‘chatlari, ularni ekish va parvarishlash tartiblari haqida tushuntirishlar berishdi. Shuningdek, sho‘r bosgan yer maydonlarida ko‘chatlarni ekish, ko‘chat handaqlariga nihollarning nobud bo‘lishini oldini olish uchun tosh, qum va boshqa mahsulotlar tashlab ekish tartiblari amaliy tarzda ko‘rsatib berildi.
Viloyatimizga keltiriladigan ko‘chatlar mutasaddilar ishtirokida belgilangan tartiblarda o‘tqaziladi. Shunday ekan, “Yashil makon” umummilliy loyihasining bahor mavsumini uyushqoqlik bilan boshlashimiz, keltirilayotgan daraxt ko‘chatlarining bir donasini ham nes-nobud qilmasdan, kelgusida parvarishini yo‘lga qo‘yib olishimiz darkor. Har bir ko‘chat uchun mas’ul biriktiriladi va kelgusi taqdiri uchun hisob so‘ralishi har bir mas’ulning ushbu loyihaga, qolaversa, har bir ko‘chatga nisbatan daxldorligi va mas’uliyatini oshiradi.

H.Kamolova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun