30 ta san’at asari viloyat hokimligi tomonidan xarid qilinadi

Date:

San’at inson qalbini yanada sayqallaydi, atrofga o‘zgacha nigoh bilan qarashga undaydi. San’atga oshno ko‘ngillardan esa yomonlik chiqmaydi. Rassomchilik ham xuddi shunday. Ro‘zi Choriyev nomidagi Surxondaryo ixtisoslashtirilgan san’at maktab-internatida esa ana shunday go‘zal qalb sohib va sohibalari ta’lim va tarbiya olish bilan birga san’at sirlarini ham o‘rganishayotir. Bilimlar, saboqlar oqqa ko‘chganda esa shubhasizki, san’at asarlari dunyo kelmoqda.
Ijod maktabida tashkil etilgan vohaning yosh, umidli ijodkorlari tomonidan yaratilgan san’at asarlarlari galereyasida bo‘lib, ular ijodini kuzatsangiz, dunyodan, tabiat manzaralaridan olingan ajib lavhalardan estetik ruh olasiz, ajib ranglar qorishig‘i sizni o‘ziga maftun etadi. Ha, bu lavhalar yosh ijodkorlarning qalb ko‘zlari ila ko‘rganlari. Galereyada turli janrlardagi chizmalarga, suratlarga duch kelasiz, kuzatasiz. Qaysidir suratga muxlis bo‘lsangiz, xarid qilishingiz ham mumkin. Shu kunga qadar yosh ijodkorlar tomonidan yaratilgan ko‘plab asarlar turli tashkilot, idoralar hamda qiziquvchilar tomonidan sotib olingan.
Viloyat hokimi Ulug‘bek Qosimov Ro‘zi Choriyev nomidagi Surxondaryo ixtisoslashtirilgan san’at maktab-internatida bo‘lib, ana shunday san’at durdonalari bilan tanishdi, nafis ijod vakillari bilan uchrashdi. Shuningdek, uchrashuv davomida ijodkorlarga viloyatimiz tashrif qog‘ozi bo‘lgan manzillar, turistik maskanlar aks etgan ijod namunalarini ko‘proq yaratish bo‘yicha tavsiyalar berib, bu nafaqat san’atga qiziquvchi fuqarolarimiz, balki vohaga keluvchi turistlarda ham katta qiziqish uyg‘otishi ta’kidladi.
Viloyat hokimi yosh ijodkorlar doimo qo‘llab-quvvatlanishini bildirib, yaratilgan san’at asarlarining 30 tasi viloyat hokimligi tomonidan sotib olinishini ma’lum qildi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Onlayn qabulda 837 nafar fuqaroning murojaati tinglandi

Xalq qabullari odamlarni qiynab kelayotgan muammolarini bartaraf etishga, orzu...

Emlash — eng yaxshi chora

Internet tarmog‘i borki, bugun dunyoning qaysi burchagida nima sodir...

Cord Versmold Afg‘oniston fuqarolarini o‘qitish ta’lim markazida

Germaniyaning “GIZ” Xalqaro tashkiloti “Afg‘oniston fuqarolarini Tеrmiz shahriga jalb...

Investitsiya loyihalari bilan tanishildi

Ish o‘rinlari yaratilishida xizmatlar sohasi muhim tarmoq hisoblanadi. Ushbu...
KunTun
KunTun