Afg‘on yoshlari uchun bilimlar markazi foydalanishga topshirildi

Date:

Afg‘oniston fuqarolarini o‘qitish taʼlim markazida qiymati 1 million yevro bo‘lgan “Afg‘oniston fuqarolarini o‘qitish va kasbiy tayyorlash bo‘yicha Surxondaryo viloyatining salohiyatini oshirish” loyihasi doirasida tashkil etilgan zamonaviy bilimlar markazi foydalanishga topshirildi. Yevropa Ittifoqi, BMT Taraqqiyot dasturi hamda O‘zbekiston Respublikasi Oliy taʼlim, fan va innovatsiyalar vazirligi hamkorligida amalga oshirilishi reja qilingan ushbu loyiha afg‘on yoshlarining vaqtini mazmunli o‘tkazib, taʼlim olishga imkon beradi. Shu munosabat bilan tashkil etilgan tadbirda loyiha doirasida amalga oshirilajak ishlar tahlil etilib, vazifalar belgilab olindi.

Besh yildirki, afg‘onistonlik 328 nafar yigit-qizni qo‘shni mamlakat uchun malakali mutaxassis kadr etib, tayyorlab berayotgan markazda bakalavr va magistratura yo‘nalishlaridan tashqari viloyatimizda yashayotgan afg‘onistonlik fuqarolar uchun informatika va axborot texnologiyalari, tikuvchilik, turizm, agrobiznes va marketing kabi yo‘nalishlarda bir yillik va uch oylik qisqa muddatli o‘quv kurslarida o‘qish imkoniyati ham bor.
Amaliyotga joriy etilajak loyiha doirasida esa taʼlim markazi bir yillik o‘quv kurslarda yuz va uch oylik qisqa muddatli kurslarda yana yuz tinglovchiga kasb o‘rgatishi belgilangan. Hozirgacha ularning 90 nafari qisqa muddatli kursni tugatib, viloyatimizda o‘z biznesini yo‘lga qo‘yishga ham ulgurgan. Kasb-hunar o‘rganish uchun esa barcha shart-sharoitlar yaratilgan. Tashkilotchilar 164 ming 500 AQSh dollari yo‘naltirib, bilimlar markazi uchun ajratilgan xonalarni zamonaviy kompyuter uskunalari, mebel, keng ekranli monitorlar bilan jihozladi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun