Muammo issiqmi, sovuqmi avj olib, jamiyatda yara misol ildiz otaveradi. Muammoning esa bittasi ham ko‘p. Ayniqsa, bu muammo oilada boshlansa, ajrim yoqasiga olib borsa, bundan yomoni yo‘q. Oldimizda turgan masala esa har qanday ajrimning oldini olish va munosib yechim izlashdir.
Uzun tumanidagi “Yoshlik” mahallasida yashovchi Muqaddas va Baxtiyor Abdullayevlarning oilaviy muammolari sabab xonadonida tinchlik-xotirjamlik yo‘qoldi. Masala jiddiylashib, oila ajrim yoqasiga kelib qolgan edi.
Mahalla xotin-qizlar faoli, profilaktika nozirlari va Oqila ayollar ishtirokida ushbu oila holidan xabar olib, muammoni o‘rganishdi. Er-xotinni murosaga keltirib, oila muqaddas dargoh ekanini tushuntirdilar. Qarabsizki, o‘rtadagi tushunmovchiliklar tumanday tarqab, yana bitta oila asrab qolindi.
S.Davlatova
