Har kim axborot olish va ijtimoiy tarmoqlardan istagancha foydalanish huquqi va imkoniga ega. Bu imkondan esa har kim turlicha foydalanadi. Foydalanish madaniyati, etikasi haqida kimdir o‘ylar, kimdir esa yo‘q. Nima bo‘lganda ham hech bir ijtimoiy tarmoq foydalanuvchisining kimningdir qadr-qimmatini kamsishga yoki obro‘sizlantirishga olib keladigan yolg‘on axborotni tarqatishga haqli emas. Inson huquqlari qonun bilan himoyalangan bo‘lib, ayni shu holatda yolg‘on ma’lumot tarqatgan BHMning 50 baravari miqdorida jarima solinishga sabab bo‘ladi.
Ushbu harakat maʼmuriy jazo qo‘llanilgandan keyin takroran sodir etilsa, 2 yilgacha ozodlikni cheklash bilan jazolanishi mumkin. Qolaversa, fuqarolarning shaʼni, qadr-qimmati yoki ishchanlik obro‘siga putur yetkazuvchi maʼlumotlar tarqatilganda, unga nisbatan yetkazilgan zarar va maʼnaviy ziyonning o‘rni huquqbuzar tomonidan qoplanishi lozim.
Mana shunday holatlarda fuqarolar sud yo‘li bilan raddiya talab qilishga haqli.
Hilol
