Yangi yil inson qadrini ulug‘lashni maqsad qilgan ezgu ishlar bilan boshlansa, yil barakali kelishi aniq. Muzrabotliklar ahillik va birdamlik ila yilni boshladilar. Shu tariqa tumandagi ijtimoiy soha obyektlari, yo‘llarga asfalt yotqizish, elektr energiya tizimini yaxshilash masalalariga e’tibor qaratildi.
Tuman ahliga bosh bo‘lib, tashabbus ko‘rsatayotgan Muzrabot tumani hokimi v.b Abdurashid Ismailovning xizmatlari esa tahsinga sazovor. Tumandagi 37 ta mahallada masʼullar va ko‘ngillilar tomonidan yo‘l atrofidagi daraxtlarni oqlash, barg-xazon va maishiy chiqindilardan tozalash, archa hamda manzarali gul ko‘chatlari ekish, turarjoy va noturarjoy obyektlari devorlarini ranglash ishlari jadal surʼatda amalga oshirilmoqda.
Mevali, manzarali daraxtlar oqlanib, yo‘llar ravon bo‘layotir. Ko‘chalar esa fayzli. Obodonchilik ishlariga mehnati singan borki, atrofni tozaligi uchun jon kuydiradi. Atrofdagilarni ham tozalikka, ozodalika chorlaydi. Vatan obod bo‘lar ekan ko‘ngillar yorishadi va qarashlarimiz o‘zgaradi.
Sohibjamol
