HARBIY XIZMATCHILARGA YANGI UYLAR TOPSHIRILDI

Date:

Umr bo‘yi topganimizni jamg‘aramiz-da, yaxshi niyat ila uy solamiz yoki xarid qilamiz. Bitta kiyimni kam kiysak ham, mashinamiz bo‘lmasa ham, o‘z uyimiz, Vatan ichra kichik bir vatanimiz bo‘lishi kerak. Axir insonning yaqinlari, oilasi bilan birgalikda o‘z uyida yashaganiga nima yetsin. Bugun Mudofaa vazirligi tasarrufidagi harbiy qismlarda xizmat qilayotgan harbiy xizmatchilar va ularning oilalari ko‘nglida ana shunday xursandchilik, uyli to‘kislik quvonchi mujassam. Sababi ayni ular uchun 60 xonadondan iborat 9 qavatli yangi uylar qurib bitkazildi va foydalanishga topshirildi. Ushbu uylarning hujjatlari va kalitlarini o‘z egalariga topshirish marosimi esa katta bayramga, shodiyonaga aylanib ketdi.

Marosimda uy egalarining quovchiga sherik bo‘lgan viloyat hokimining o‘rinbosari A.Bo‘riyev, Termiz shahar hokimi O‘.To‘rayev, Janubiy operativ qo‘mondonlik boshlig‘i polkovnik P.Sativaldiyev, davlat va jamoat tashkilotlari vakillari hamda harbiy xizmatchilar va ularning yaqinlari ishtirok etdi.

Yangi xonadonlarga kirib, shart-sharoitlar bilan tanishsangiz, sizda ham ana shunday ajoyib uy bo‘lishini istaysiz. Zamonaviy loyihalar asosida qurilgan uylarning xonalari shina va yorug‘. Zaruriy mebel va jihozlar bilan ta’minlangan. Xullas harbiy xizmatchilarning farovon turmush kechirishi uchun barcha qulayliklar yaratilgan. Ko‘p qavatli uyning hovlisida bolajonlar uchun ham zamonaviy o‘yin maydonchasi barpo etilgan. O‘g‘il-qizlar shu kunning o‘zidayoq bolalar maydonchasida maroq bilan o‘ynashga tushib ketdilar.

S.Davlatova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Ibrat farzandlari” ibrat ko‘rsatdi

Til bilishga qiziquvchi yoshlarning safi tobora kengayib bormoqda. Qay...

Yangi loyihalar taqdimoti bilan tanishildi

Surxondaryo viloyati hokimi Ulug‘bek Qosimov Jarqo‘rg‘on tumaniga tashrif buyurib,...

G‘alladan bo‘shagan yer maydonlari yoqib yuborildi

Ma’lumki, inson salomatligi muhim ahamiyatga ega, buning uchun eng...

Voha bo‘ylab sayohat

Ta’til maroqli o‘tishi uchun har bir kunni munosib rejalashtirish...
KunTun
KunTun