Muqaddas dinlarning hammasi aziz, birdek mukammal, har qanday kamchiliklardan holi. Axir, hech bir dinda birovga qasddan yomonlik qilish, kimnidir o‘ldirish buyurilmaydi.
Shukrlar bo‘lsinki, yurtimizda vijdon erkinligi qaror topgan, diniy tazyiqlar uchramaydi. Har bir inson qaysi dinga e’tiqod qilishini mustaqil hal qiladi.
Ming afsuski, islom dini mohiyatini mukammal bilmasdan, anglamasdan dinni shunchaki ermak qilib olganlar, mohiyatiga yetib ulgurmay “targ‘ib” qilayotganlar ham uchramoqda.
Ana shundaylardan biri Jarqo‘rg‘onda yoshlarga noqonuniy tartibda ta’lim berib kelgan fuqaro hali yosh, oq-u qorani farqiga bormaydigan qizlarga diniy ilmlarni noto‘g‘ri yo‘lda anglatishga harakat qilgan. O‘z yashash uyida hujra asosida “ilm bergan, o‘rgatgan”.
Holat zudlik bilan aniqlanib, ushbu shaxs ashyoviy dalillar bilan qo‘lga olindi. Diniy ta’lim berishda foydalanib kelingan kitoblar esa xolislar ishtirokida tegishli tartibda hujjatlashtirildi.
D.Otaqulova
