“Yakka terak”da to‘y bo‘ldi

Date:

iziriq tumanining “Yakka terak” mahallasi guzarida erta tongdan nog‘ora sadolari eshitildi. Sehrli ohangning ovozini eshitgan borki, o‘sha tomonga shoshildi. Naxshi niyat ila yozilgan dasturxonga rizqi qo‘shilgan borki, bir piyola choy ustida suhbat qurdi. Mahallaning yoshi ulug‘ bobolari qo‘llarini duoga ochdilar-da, uzundan-uzoq duo o‘qidilar. Kecha sababchilariga atab yaxshi fikrlar bildirishdi.

Mahalla ahli ahil va inoq. Birdamlikda yashaganlar esa hech ham birovdan kam bo‘lmaydi. Mahalla faollari 7 nafar “Temir daftar” va “Ayollar daftari”ga kiritilgan oilalarni ham birovdan kam ko’rishmaydi. Doimo qo’llab-quvvatlab to’y-u marakalarida birga bo’lishadi. Bu safar esa ularning farzandlari uchun sunnat to‘yi qilib berish uchun harakatlarni boshlab yubordilar. Ana shu harakatning ovozasi esa bugun yetti mahallani bir yerga to‘pladi.

Bobolarning aytganlariga quloq solsangiz, azaldan sunnat to‘ylari kurashsiz o‘tmagan. Xalq tomosha qilib zavqlangan bo‘lsa, polvonlarning kuch sinashgani, mardi maydon bo‘lgani ularning nomini dong‘i ketishiga sabab bo‘lgan. Ushbu sunnat to‘yi ham kurashsiz o‘tmadi. Maydonga chiqqan polvon borki, or uchun kurashdi. Polvonlar qarsaklar, qo‘llovlar og‘ushida kurashdi. G‘oliblar sovrinli bo‘lishdi.

Milliy qadriyatlar, urf-odat-u taomillarga amal qilingan to‘y ajoyib va unutilmas bo‘ldi. Mahallla raisi I.Fayziyev to‘y bolalarni tabriklab, ularga velosiped va boshqa qimmatbaho sovg‘alar topshirdi.
Albatta, kuy-qo‘shiqlar to‘yga yanada tarovat kirgizdi. Ezgu niyatlar ila yig‘ilganlar to‘y bolalar bilan raqsga tushib, yayradilar.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun