Uzoq masofaga yugurish uchun avvalo yugurish texnikasini bilish lozim. Harakatlanayotganda oyoq va qo‘llar, umuman tana ham hamohang bo‘lsa, vaqt biz bilan hisoblashadi. Manzil, marra chizig‘i yaqinlashadi-da, g‘alaba onlarini taqdim etadi. Yengil atletika bo‘yicha o‘tkazilgan O‘zbekiston chempionatida ishtirok etgan Otabek Fayzullayev ham 5 ming metrga yugurish bahslarida marra tomon ana shunday oshiqdi.
Ortda qolgan raqiblar va tomoshabinlar Surxon yigitining chapdastligi-yu, tezkorligiga tan bermasdan ilojlari qolmadi. Sababi u barchani ortda qoldirib, 5 ming metrni birinchi bo‘lib bosib o‘tdi.
Qarabsizki, Otabek Fayzullayev birinchi o‘rinni qo‘lga kiritdi va O‘zbekiston chempioni degan nom bilan uyga qaytdi.
Hilol
