Yoshlar kuni yaqinlashishi yoshlar festivalidan darak bergandek bo‘ladi. Bu festival yoshlar uchun katta bayram, shodiyonaga aylanib ketadi. Sayllar, sport musobaqalari, kitobxonlik kechalari-yu, bilimlar bellashuvi, madaniy-ma’rifiy tadbirlar, bayram dasturlari kishiga estetik ruh, bayram kayfiyatini bermay qolarmidi.
Ayniqsa, yoshlar kunidagi gala konsert, taqdirlash marosimi xotiralarda o‘zgacha kun sifatida muhrlanadi.
“Yangi O‘zbekiston yoshlari, birlashaylik” shiori ostidagi bu galgi yoshlar festivali Sherobod tumanida boshlandi va velomarafonga start berildi. Tuman hokimligi, tuman IIB, Yoshlar ishlari agentligi tuman bo‘limi hamkorligida tashkil etilgan velomarafonda tuman yoshlari bilan birgalikda faol xotin-qizlar ham ishtirok etdi.
Start chizig‘ida saf tortgan yoshlar ko‘zidagi ishonch va qat’iyatni ko‘rib, har biri g‘oliblikka da’vogardek tuyiladi. Ammo, marra chizig‘igacha bo‘lgan yo‘l, undagi odimlar havas qilgulik. Tanga sog‘lik, bir olam shijoat bahsh etayotgan velomarafonda ishtirok etishning ham, tomosha qilishning ham o‘z gashti bor. Festival bahonasida jam bo‘lgan o‘g‘il-qizlar o‘z mahoratlarini ishga soldilar. Natijalarga ko‘ra, yigitlar o‘rtasida “Chuqurko‘l” mahallasi vakili, qizlar o‘rtasida esa “Chag‘atoy” mahallasi vakilasi g‘oliblikni qo‘lga kiritdi.
Sohibjamol
