Gulbahorning tarvuzlari Qozog‘istonga eksport qilinmoqda

Date:

“Gulbahor” mahallasi Termiz tumani markazidan 70 kilometr uzoqlikda joylashgan. Mahalla ahli asosan qishloq xo‘jaligi mahsulotlari yetishtirish, chorvachilik bilan shug‘ullanadi. Ayniqsa, “Bir mahalla — bir mahsulot” tamoyili asosida o‘z yer maydonlaridan unumli foydalanib kelishayotgan mahalla ahlining tarvuz yetishtirishda ham o‘z muvaffaqiyat sirlari bor. Sababi, ayni ular yetishtirgan tarvuzlar respublikamizda birinchilardan bo‘lib bozor rastalaridan joy olib, xalqni bu ne’matdan bahramand qilgani siz-u bizga yaxshi ayon.
Mahalliy bozorlarni poliz mahsulotlari bilan ta’minlagan gulbahorlik mirishkor dehqonlar endilikda tarvuzni Qozog‘iston davlatiga eksport qilib, daromad ko‘rishayotir.
— Tarvuz yetishtirishning ham o‘z sir-u sinoati bo‘ladi– deydi gulbahorlik mirishkor Bobonazar Aliyev. — Buni uzoq yillik tajribam damomida sinab ko‘rganman. Mart oyining boshida tarvuzning ertapishar “Dolbi”navi ko‘chatlarini o‘tkazgan bo‘lsak, shu paytga qadar ikkinchi bor hosil yig‘ib, bozorga olib chiqdik. Mehnatimiz yerda qolmadi. 50 sotih yer maydonidan 35 million so‘m daromad oldim. Ishimiz unumini ko‘rgan yoshlar shogird tushib, munosib izdosh bo‘lish istagida etagimizdan mahkam tutgan.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bitiruvchlarga oltin va kumush medallar topshirildi

Termiz shahri umumta’lim maktablarining 11-sinf bitiruvchilari uchun unutilmas kun...

Aksiya haqqoniy bo‘lsin

Har doim kiyim-kechaklarini kuzatib, yoqqanini xarid qilishga odatlanganim bir...

“Yutuqlarimiz ibrat, kamchiliklarimiz esa maktab”

Davlatimiz rahbarining 2025-yil 14-fevraldagi yoshlar bilan o‘tkazilgan tarixiy uchrashuvida...

San’atimiz sayqal topaveradi

Xalqimizda “Ustoz ko‘rmagan shogird har maqomga yo‘rg‘alar”, degan naql...
KunTun
KunTun