Ayol borki, uyim-joyim deydi, nuqul o‘zini emas, oilasini, bola-chaqasiyu ro‘zg’orini deb yashaydi. U yoq, bu yoqqa borish tugul, o‘ziga vaqt ham ajrata olmaydigan ayollar ham oramizda bor.
Dunyo tugul, poytaxt nari tursin o‘zi tug’ilib o‘sgan nuqtalarini ham borib ko‘rmaydigan xotin-qizlar uchun bugungi kunda juda katta imkoniyat yaratildiki, “Yangi O‘zbekiston bo‘ylab sayohat qil!” shiori ostida ichki turizmni rivojlantirish borasidagi hamda fuqarolarning sayohatini tashkil etish yo‘lidagi bu kabi muhim qadamlar ortida ham insonni qadrlash yotadi.
Prezidentimizning 2022-yil 7-martdagi “Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida”gi Farmoniga binoan, har yili “Ayollar daftari”ga kiritilgan 50 ming nafar xotin-qizlar uchun “Ayollar daftari” ro‘yxatiga kiritilgan xotin-qizlarni qo‘llab-quvvatlash jamg‘armasi mablag‘lari hisobidan bepul sayohatlarni tashkil etish belgilangan.
Shu munosabat bilan Boysun tumanida “Ayollar daftari” ro‘yxatida turgan 50 nafar xotin-qizlar Samarqand shahriga sayohat qilish uchun jo‘nab ketishdi.
E.Elmurodova
