Imkoniyatlar daftari

Date:

Imtiyozi bo‘lsa, kredit olaman”, deb chopganning ham hammasi ishning ko‘zini biladigan emas, ishning ko‘zini bilganga esa kreditning foizi qiziq bo‘lmaydi. Tavakkalchilikka asoslangan tadbirkorning faoliyatida hamisha ham omad kelavermasa-da, oshig‘i olchi bo‘lishini istagan tadbirli kishi ishini puxta bajaradi, zarariga yurmaydi.

“Yoshlar daftari” tashkil etilgan kuni undan faqat ro‘yxat sifatida emas, manzilli ishlash uchun yo‘riqnoma sifatida foydalanilishini aholi vakillari to‘liq tushunmagan bo‘lsa-da, bugun tizim ish berayotganligi yaqqol ko‘rinayotir. Jumladan, mazkur ro‘yxatga kiritilgan hamda kredit olish istagini bildirgan yoshlar tadbirkorlikka obdan o‘qitildi. Ularning tadbirkorlikka qiziqishi hamda ishni eplay olishi o‘rganildi. Axir, bizda kreditdan to‘y-tomosha uchungina foydalanish avjiga chiqqan. Kreditlardan besamar va bemaqsad foydalanish bo‘yicha esa bir-birimizni ortda qoldirayotibmiz. Endi “Yoshlar daftari”ga kiritilgan yoshning faqatgina shu ro‘yxatda ekanligi bilan emas, balki uning kelgusi maqsad va tadbirkorlik taklifi ham o‘rganilib, kredit ajratilayotir.

Bu esa yoshlarning yuqorida ta’kidlangan aholi vakillaridan bo‘lib qolmaslik uchun qilingan o‘ziga xos choradir. O‘quv kursini tugatgan yoshlarga sertifikat taqdim etildi, endi esa ularning tadbirkorlik bilan shug‘ullanishlari uchun kredit ajratiladi.

X.KARSHIYEV

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Turizm ko‘chasi” qurilishiga start berildi

Surxondaryo viloyatida turizm sohasini kompleks rivojlantirish, xizmat ko‘rsatish sifatini...

Mehnat qadrlansa, yurak quvnaydi

Jarqo‘rg‘on tumanidagi 2-son politexnikumida tashkil etilgan tadbirda 11 nafar...

“Kashta tikdim, ipaklari tillodan”

O‘zbek xalqining bebaho madaniy merosi — kashtachilik san’atini targ‘ib...

Raqobat kuchli, ishtirok muvaffaqiyatli

Oltinsoy tuman ixtisoslashtirilgan maktabining iqtidorli oʻquvchisi Shamshodbek Qurbonov xalqaro...
KunTun
KunTun