Dolzarb masalalar muhokamasi

Date:

Termiz davlat universiteti majlislar zalida xalq deputatlari viloyat, tuman va shahar kengashlari deputatlari hamda kotibiyat xodimlari aoliyati samaradorligini oshirishga bag‘ishlangan o‘quv seminari tashkil etildi. Unda Termiz shahri, Termiz va Angor tumanlaridan vakillar ishtirok etdi.

       Xalq deputatlari viloyat kengashi kotibiyat mudiri S. Abduraimov  yig‘ilganlarga o‘quv seminarining mazmun-mohiyati haqida tushuncha berib o‘tdi.  O‘zbekiston respublikasi Oliy Majlisi Senati fan, ta’lim va sog‘liqni saqlash masalalari raisi Odiljon Iminovning ma’ruzasida  mamlakatimizda oxirgi 5 yil ichida amalga oshirilgan islohotlar hamda eng muhim o‘zgarishlar, O‘zbekiston respublikasi Oliy Majlisi Senatining joriy yil 28-29 aprel kunlari bo‘lib o‘tgan yigirma beshinchi yalpi majlisida ko‘rib chiqilgan masalalar, qabul qilingan qarorlar hamda ma’qullangan qonunlarning mohiyati haqida batafsil gapirdi.

      Termiz davlat universiteti Pedagogika instituti kafedra mudiri, dotsent Hakim Rasulovning Prezidentimizning 2022 yil 28 yanvaridagi “2022-2026 yillarga mo‘ljallangan Yangi O‘zbekiston taraqqiyot strategiyasi to‘g‘risida”gi farmonida belgilangan taraqqiyot strategiyasiga doir maqsadlar hamda  xalq deputatlari  mahalliy Kengashlarning vakolatlari, xalq deputatlari mahalliy Kengashi deputatining huquqiy maqomi, uning huquqlari  hamda majburiyatlari haqidagi ma’ruzasi tinglandi.

       Shuningdek, o‘quv seminarida mahalliy byudjetni shakllantirish hamda uning ijrosi ustidan deputatlik nazoratini amalga oshirishda xalq deputatlari mahalliy Kengashlarning vakolatlari, mahalliy byudjet mablag‘lari sarflanishida jamoatchilik ishtirokini ta’minlash, mahalliy soliqlarni belgilash, hududlarni ijtimoiy-iqtisodiy rivojlantirish hamda investitsiya dasturlarini ko‘rib chiqishda mahalliy Kengashlarning vakolatlari, dasturlar ijrosi ustidan ta’sirchan deputatlik nazoratini amalga oshirish, yer uchastkalariga nisbatan xalq deputalari mahalliy Kengashlariga berilgan vakolatlar, davlat va jamoat ehtiyojlari uchun yer uchastkalarini olib qo‘yish, yer uchastkalarining narxlarini belgilash, fermer xo‘jaliklari bilan yer ijara shartnomalarini  bekor qilish masalalarida mahalliy Kengashlaring vakolatlariga doir ma’ruzalar tinglandi va o‘quv seminari ishtirokchilari tomonidan muhokama qilindi.

Usmonali Normatov

Naimullo Muhibulloev (surat)

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun