Barchin Ko‘kamanning belbog‘idan tutgancha, “Yo pirim” deya bir ko‘tarib yerga urganida o‘zbekning qizi qanday bo‘lishini qalmoqlarga ko‘rsatib qo‘ygandi. Barchin momom avlodiman degan borki, bugun ham maydondan chiqqan emas, bir erkakdan qolishmay, kuragini yerga tekkizmay, or uchun, sha’n uchun kurashyapti. Xorazm viloyatining Urganch shahrida ham sportning kurash turi bo‘yicha O‘zbekiston chempionatida ana shunday kurashchilar jam bo‘ldi.
Kurash to‘rt kun davom etdi. Kuchlar murosasiz sinaldi. Zo‘rlar saralandi. O‘zbekistonning barcha hududlarining “zo‘rman” degan kurashchilar ha-deganda yengilmadi. Yerga bag‘rini bermay kurashdilar. Surxonlik alplar ham bo‘sh kelmadi. Munosib ishtirok etib, shoxsupaning yuqori pog‘onalarini egalladilar.
Jarqo‘rg‘on tuman Bolalar va o‘smirlar sport maktabi sportchilari Abdulaziz Jo‘rayev, Komila Qahhorovalar 1-o‘rinni qo‘lga kiritdilar.
H.Baxtiyorova
