Jarqo‘rg‘on tuman markazida olib borilayotgan bunyodkorlik, obodonchilik ishlari havas qilarli. Ayniqsa, tuman markazi sanalgan O‘zbekiston ko‘chasida tunda ham kunduzi yurgandek sayr qilish mumkin. Toza va ozoda ko‘chalar, tungi yoritgichlar bahri dilingizni ochadi. Piyoda yurib, atrofdan zavqlanib, oyoqlaringizning chigilini yoyish sihat uchun ham foydali.
Ammo, manzilingiz katta ko‘chaning u betiga ulansa, piyodalar yo‘lagi qidirib esi ketadiganlar ham bore di. Bu obodlikka, tartib-qoidalarga ziddek, biroz ta’bni xira qiladigan holat edi. buni yaxshi payqagan Xalq deputatlari tuman Kengashi deputati O.Jiyanov tuman Yo‘llaridan foydalanish unitar pudrat korxonasiga deputatlik so‘rovi yo‘lladi. Qisqa muddatda so‘rovning ijrosi bo‘yicha M-41 avtomobil yo‘lining 1581-kilometriga piyodalar o‘tish yo‘lagi o‘rnatildi. Bunday xayrli va xalq mushkulini oson qiladigan harakatlar davom etayotir.
S.Murodova
