“Otasining qizi”

Date:

Ekran qarshisida film tomosha qilish yaxshi. Syujet, mazmun pishiq bo‘lsa, ta’sirlanasiz. Ammo, teatrga borib, spektakl tomosha qilganchalik emas. Buni hayoti davomida bir bor bo‘lsa-da, teatrga borganlar yaxshi biladi. Aktyorlar ko‘z o‘ngingizda o‘z qahramonini jonlantiradi. Kayfiyati, harakterini ochib beradi. Voqealar rivojini kuzata turib, aktyordan kam hayajonlanmaysiz. Bari jonli va ta’sirchan.

Teatr san’ati ana shunday kishini o‘ziga ohanrabodek tortadi, sehrlab oladi. Rost, bir bora tomosha qilsangiz, har doim, qayta va qayta boraverasiz. Teatrni sevib, o‘sha muhitni sog‘inasiz. Bu san’at ko‘ngilni ezgulikka chorlaydi. Yaxshi amallarga undab, go‘zal tuyg‘ularni in’om etadi. Necha kunlar o‘sha ta’sirdan, o‘sha hayajondan, ayni o‘sha ruhiyatdan chiqa olmaysiz. Ha, teatr oddiygina tomoshaxona emas. U tarbiya, madaniyat, ma’naviyat va ma’rifat maskanidir.

Termiz shahridagi San’at saroyida poytaxtdan tashrif buyurgan O‘zbekiston davlat drama teatrining ijodiy jamoasi tomonidan “Otasining qizi” deb nomlangan komediya janridagi spektakl namoyishi tomoshabinlarga ana shunday kayfiyat va ruhiyat ulasha oldi. Professional aktyorlarning chiqishlari, mahorat ila ijro etgan ro‘llari barchada ko‘tarinki kayfiyat ulashdi. Tomosha zavqidan ruhlangan tomoshabinlar qarsaklarining o‘ziyoq taassurot va munosabat izhor etgandek bo‘ldi.

S.Normurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Onlayn qabulda 837 nafar fuqaroning murojaati tinglandi

Xalq qabullari odamlarni qiynab kelayotgan muammolarini bartaraf etishga, orzu...

Emlash — eng yaxshi chora

Internet tarmog‘i borki, bugun dunyoning qaysi burchagida nima sodir...

Cord Versmold Afg‘oniston fuqarolarini o‘qitish ta’lim markazida

Germaniyaning “GIZ” Xalqaro tashkiloti “Afg‘oniston fuqarolarini Tеrmiz shahriga jalb...

Investitsiya loyihalari bilan tanishildi

Ish o‘rinlari yaratilishida xizmatlar sohasi muhim tarmoq hisoblanadi. Ushbu...
KunTun
KunTun