Yerga nihol qadab bo‘y cho‘zishi, gurkirab o‘sib, mevasi va soyasi ila insoniyatga xizmat qiluguniga qadar qancha vaqt, mehnat, qarov talab etiladi. Boshqa tomondan yashnab turgan tiriklikni yo‘q qilishga hammaning ham qo‘li boravermaydi. Ammo, yo‘q qiladiganlar, tabiatga ozor yetkazadiganlar, afsuslar bo‘lsinki tez-tez uchrab turadi. Xolbuki, bu borada qator cheklovlar, qat’iy javobgarlik choralari qo‘llanilsa-da, daraxtlar kesilaveryapti.
Ana shunday tartib va qoidalarga bo‘ysunmas “shovvoz” Angor tumanidagi 6-sonli bolalar bog‘chasi hududida daraxtlarni tag qismidan kesib tog‘ hosil qilayotganini ko‘rgan-bilganlar Ekologiya va atrof-muhitni muhofaza qilish boshqarmasiga xabar qilishadi. Davlat ekologik nazorat inspektorlari holatni o‘rganish davomida 43 tup mojjevelnik va tuya daraxtlari noqonuniy tarzda kesib tashlanganligi aniqlandi. Aybdorlar tegishli tartibda jazolandi.
Hilol
