San’at insonga madaniy hordiq beradi. Hayotga, yashashga qiziqishini oshirib, ijobiy hislatlarning kamol topishiga turtki bo‘ladi. Viloyatning eng chekka hududlari, olis qishloqlargacha san’at kirib borishi, qishloq ahli ham estetik zavq olishi kerak. Balki, shu orqali iste’dodlar, yangidan-yangi qirrallar kashf etilar…
Prezidentimizning “Madaniyat va san’at sohasini yanada rivojlantirishga doir qo‘shimcha chora-tadbirlar to‘g‘risida”gi qarori ayni shu yo‘lda dasturil amal bo‘lib xizmat qiladi. Qaror doirasida Surxondaryo viloyat madaniyat boshqarmasi yangi – Milliy madaniyat loyihasini taqdim etdi. Loyiha doirasida ishlab chiqilgan dastur va senariylar asosida teatr, sirk tomoshalari, konsertlar va filmlar san’at ihlosmandlari hukmiga havola etiladi.
Loyiha asosida maxsus jihozlangan transport vositasi yo‘lga chiqdi. U orqali tez kunlarda viloyatimizning eng olis mahallalarigacha kirib boriladi va vohadoshlarimizning maroqli hordiq chiqarishlari uchun madaniy xizmat ko‘rsatiladi.
H.Baxtiyorova
