Ot ustida kurash — o‘zini qaltis sinovlarda sinab rohatlanuvchilar uchun munosib o‘yin. Buni his etish uchun, albatta, ot ustida kurashib ko‘rishga to‘g‘ri keladi. O‘z navbatida kuchli, chapdast va chayir kurashchidan yana bir talab etiladigani yaxshigina chavandoz bo‘lishi ham lozim. Aks holda g‘oliblikdan ko‘ngil uzishga to‘g‘ri keladi. Prezidentimiz tomonidan yilqichilik, ot sportini ommalashtirish g‘oyasi ilgari surilayotgan bir paytda Boysun tumani “Darband” mahallasida tashkil etilgan ot ustida kurash musobaqalari kurashsevar yoshlarni bir yerda jamladi.
O‘yinlar qiziqarli va murosalarga boy bo‘ldi. Kuchlilar tomoshabinlarni qoyil qoldirib, g‘oliblik nashidasini surdilar.
H.Baxtiyorova
