“Mahallabay”  ishlash tizimini samarali tashkil etish bo‘yicha navbatdagi seminar Uzun tumanida tashkil etildi

Date:

Viloyatdagi iqtisodiy-ijtimoiy ahvoli nisbatan og‘ir hududlar sifatida tanlab olingan mahallalarda hududni obodonlashtirish, yo‘llarni taʼmirlash, aholi bandligini taʼminlashga ko‘maklashish va daromadlarini oshirish borasidagi ishlar izchil davom ettirilmoqda.

Bu ishlarni joylarda samarali yo‘lga qo‘yish, shu maqsadda o‘zaro tajriba almashish, ko‘nikma hosil qilish uchun mahallalardagi hokim yordamchilari, yoshlar yetakchilari, tuman sektorlari, aloqador boshqarma va tashkilotlar rahbarlari ishtirokida Uzun tumanining “Ulanqul” mahallasida amaliy seminar tashkil etildi. Unda Surxondaryo viloyati hokimi To‘ra Bobolov ham ishtirok etdi.

Seminarda ishtirokchilar tuman mahallalaridagi hokim yordamchilari hamda yoshlar yetakchilarining hududlarni rivojlantirish, yoshlar bandligini taʼminlash bo‘yicha rejalari va bugunga qadar amalga oshirilgan ishlari bilan yaqindan tinishdilar. Viloyat hokimi rejadagi ishlarni samarali tashkil etish bo‘yicha o‘z tavsiya va ko‘rsatmalarini berdi.

Yoshlar bilan bo‘lgan suhbat chog‘ida To‘ra Bobolov ular tomonidan bildirilgan takliflarni qo‘llab-quvvatlab, har yili bahorda “Bobotog‘ bahori” ochiq folklor festivalini tashkil etish yuzasidan mutasaddilarga topshiriq berdi. Tuman folklor – etnografik ansambli uchun avtobus ajratiladigan, turli ko‘rik-tanlovlarning tuman bosqichidan avval mahalla bosqichini joriy etiladigan bo‘ldi.

Seminar davomida tumanda ishlab chiqarilayotgan sanoat mahsulotlari ko‘rgazmasi, bandlikni taʼminlash uchun mehnat yarmarkasi va aholiga qulaylik yaratish maqsadida tibbiy ko‘rik ham tashkil etildi.

Malakali shifokorlar tomonidan o‘tkazilgan tibbiy koʼrikda 40 yoshdan oshgan, “Аyollar daftari”, “Yoshlar daftari” hamda “Temir daftar”ga kiritilgan 125 nafar fuqarolardan, 52 nafarida kasallik aniqlandi. Ularning 42 nafari ambulator sharoitda, 10 nafari statsionar sharoitda davolanishga yuborildi.

Shuningdek, “Ulanqul” mahallasida 10 km ichki yo‘llarni taʼmirlash belgilangan bo‘lib, qariyb bir haftadan buyon olib borilayotgan amaliy ishlar natijasida ushbu yo‘llarning  9 kilometrida tosh-shag‘al yotqizish ishlari yakunlandi. Tuproq yo‘llarga tosh-shag‘al yotqizish, eskirgan yog‘och ustunlarni temir-beton ustunlarga almashtirish, obodonlashtirish va ko‘kalamzorlashtirish ishlari davom etmoqda. Buning uchun oʼnlab maxsus texnikalar va yuzlab hasharchilar jalb etilgan.

Surxondaryo viloyati hokimligi Axborot xizmati

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Yo‘llar ta’mirlanmoqda…

Yo‘l xavfsizligi inson umrining garovidir deb bejiz aytmagan. Mahallada...

“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF...

Huquqiy masalalar o‘rganildi

Har bir oilaning o‘z tashvishi va muammosi bo‘ladi. Bu...

65 nafar xotin-qiz tikuv mashinali bo‘ldi

Subsidiya asosida fuqarolar nafaqat yangi uy, balki yangidan yangi...
KunTun
KunTun