Yoshlarning bandligini ta’minlash, hayotda, jamiyatda o‘z o‘rnini topishi uchun munosib qo‘llab-quvvatlash davlat siyosati darajasidagi masalaga aylangan. Buning uchun yoshlar kasb-hunarga o‘qitilib, o‘z ixtisosligi bo‘yicha tadbirkorlik faoliyatini yo‘lga qo‘yishi uchun ham zarur texnikalar bilan ta’minlanayotir.
Sho‘rchi tumanining “Yosh g‘ayrat” mahallasida yashovchi bir guruh yoshlarga ham kasb-hunarga o‘qitilgach, qiziqish va yo‘nalishlariga ko‘ra tikuv mashinkasi va payvantlash apparatlari topshirildi. Endilikda ular ushbu texnikalar yordamida mustaqil hayotga ilk, katta qadamlarini tashlashadi. O‘z daromad manbaiga ega bo‘lib, o‘zi va oilasiga foyda keltirishadi. Kechagina ishsiz yurgan yoshlarning bugun qo‘llarida hunari bor, ish quroli esa badastir. Bundan ularning bari shod va yurtimizda yaratilayotgan imkoniyatlardan mamnun holda o‘z faoliyatlarini boshlashadi.
Sohibjamol
