Eshitdingizmi, qaysidir viloyatda katta yong‘in chiqib, bozori yonib ketibdi. …do‘konga o‘t ketibdi… shu va shu kabi boshqa mish-mish va xabarlar quoqqa chalinadi. Aslida esa ko‘za kunida emas, kunida sinadi deganlaridek, bunday gap-so‘zlar har birimizni sergaklantirishi, ishimizga va mol-mulkimizga nisbatan xushyor tottirishi kerak.
Shu maqsadda Jarqo‘rg‘on tumani FVB xodimlari va tegishli soha vakillari tomonidan Jarqo‘rg‘on kiyim-kechak bozori va uning atrofida joylashgan savdo do‘konlarining yong‘in xavfsizligi holati o‘rganib chiqildi. Aytish kerakki, har qanday hodisa va ko‘ngilsizlikka inson omilining ta’siri sabab bo‘ladi. Shunday ekan, har bir fuqaro, u mijoz bo‘ladimi yoki sotuvchi ehtiyotkor bo‘lishi, yong‘in xavfsizligiga rioya etib, bordi-yu favqulodda holatlarda yong‘in sodir bo‘lgudek bo‘lsa, birinchi navbatda qanday yo‘l tutishi kerakligini bilishi shart va zarur. Bu o‘zi va o‘zgalarning hayoti uchun ham muhimdir.
Soha mutaxassislarining o‘rganishlari davomida bozor xodimlari va savdo do‘konlarining sotuvchilari bilan yuqoridagi holatlar yuzasidan, xususan yong‘in chiqqanda qanday harakat qilishlari bo‘yicha profilaktik tushuntirish ishlari olib borildi. Shuningdek, tumanning “Surxon sohili” mahallasida joylashgan savdo do‘konlarida yong‘in chiqqanda tuman FVB 7 EKK xodimlarining harakatlari o‘quv mashqi o‘tkazish natijasida sinab ko‘rildi.
Sohibjamol
