Harbiy shaharchada yong‘in xavfsizligi choralari kuchaytirilmoqda

Date:

Isitish mavsumida elektr va gaz jihozlaridan foydalanish bilan bog‘liq xavflar ortadi. Bunday sharoitda yong‘in xavfsizligi talablariga amal qilish, muhandislik tarmoqlarining sozligini tekshirish va ehtimoliy nosozliklarni o‘z vaqtida bartaraf etish muhim ahamiyatga ega.

Shu maqsadda Surxondaryo viloyatidagi harbiy qismlardan biriga qarashli harbiy shaharchada yong‘in xavfsizligini ta’minlashga qaratilgan profilaktik tadbirlar o‘tkazildi.

Tadbir davomida mas’ul xodimlar tomonidan xonadonlardagi elektr hisoblagichlar, elektr tarmoqlari va avtomatik o‘chirgichlarning texnik holati ko‘zdan kechirildi. Shuningdek, fuqarolarga elektr jihozlaridan xavfsiz foydalanish, tarmoqlarga ortiqcha yuklama bermaslik, nosoz simlar, rozetka va kalitlardan foydalanmaslik yuzasidan tavsiyalar berildi.

Bundan tashqari, qo‘lbola yoki sertifikatlanmagan isitish moslamalaridan foydalanmaslik, ularni qarovsiz qoldirmaslik, gaz jihozlarining sozligini muntazam tekshirib borish zarurligi tushuntirildi. Nosozlik aniqlangan taqdirda mutaxassislarga murojaat qilish lozimligi alohida ta’kidlandi.

Profilaktik tadbirlar davomida harbiy shaharchada istiqomat qiluvchi fuqarolarga yong‘in xavfining oldini olish, xavfsizlik qoidalariga rioya etish va favqulodda vaziyatlarda to‘g‘ri harakatlanish bo‘yicha tushuntirishlar berildi.

Zero, yong‘in xavfsizligi qoidalariga kundalik hayotda amal qilish nafaqat mol-mulkni, balki inson hayotini asrashning ham muhim shartidir.

Islomjon Muxamadaliyev,
harbiy xizmatchi

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun