Inson salomatligini mustahkamlashda muntazam jismoniy faollik muhim ahamiyatga kasb etadi. Xususan, velosipeddan foydalanish harakatchanlik va chidamlilikni oshirish, faol hayot tarzini shakllantirish bilan bir qatorda, atrof-muhitga salbiy ta’sirni kamaytirishga ham xizmat qiladi.
Bugungi kunda yurtimizning barcha hududlarida rahbar va xodimlar o‘rtasida velosipeddan foydalanishni ommalashtirishga qaratilgan tashabbuslar izchil yo‘lga qo‘yilmoqda.
Sho‘rchi tumanida ham mazkur tashabbus amaliy tus oldi. Tuman hokimi boshchiligida tashkilot rahbarlari va xodimlari ishga velosipedda harakatlanib, sog‘lom turmush tarzini kundalik hayotga singdirishga o‘z hissalarini qo‘shmoqda.
Ushbu tashabbus aholining jismoniy faolligini oshirish, velosipeddan foydalanish madaniyatini kengaytirish hamda ekologik muhitni asrashga qaratilgan amaliy sa’y-harakatlarning yorqin namunasidir.
Zero, sog‘lom jamiyat — faol insonlardan, musaffo muhit esa mas’uliyatli va ezgu odatlardan boshlanadi.
D.Qo‘zimurotova
