O‘zbekistonda alohida ta’lim ehtiyojlariga ega bolalar uchun inklyuziv ta’lim imkoniyatlarini kengaytirish maqsadida barcha hududlarda ko‘p funksional inklyuziv resurs maktablari tashkil etiladi.
So‘nggi ikki yilda inklyuziv muhit yaratilgan maktablar soni 729 tadan 3 591 taga yetib, qariyb besh barobarga oshdi. Bugungi kunda 10 ming nafar alohida ta’lim ehtiyojiga ega bola tengdoshlari qatori to‘laqonli ta’lim muhitida tahsil olmoqda.
Davlat rahbari alohida g‘amxo‘rlikka muhtoj bolalar doimiy e’tiborda bo‘lishini ta’kidladi.
