Qumqo‘rg‘on tumanining “Elobod” mahallasida yangi sanoat loyihalari amalga oshirilmoqda. Xitoylik investorlar tomonidan 5 million AQSH dollari miqdorida to‘g‘ridan-to‘g‘ri xorijiy investitsiya jalb etilib, zamonaviy pishgan g‘isht ishlab chiqarish korxonasi barpo etilmoqda.
Ayni paytda korxonada qurilish-montaj ishlari olib borilib, Xitoydan keltirilayotgan texnologik uskunalar bosqichma-bosqich o‘rnatilmoqda.
Shuningdek, hududda “Ulkan Sarbon Fayz” MChJ tomonidan asfaltbeton mahsulotlari ishlab chiqarish korxonasini tashkil etish loyihasi doirasidagi qurilish va uskunalarni o‘rnatish ishlari davom etmoqda.
Mazkur loyihalar ishga tushirilishi natijasida qurilish materiallari ishlab chiqarish hajmini oshirish, yangi ish o‘rinlari yaratish va tumanning sanoat salohiyatini kengaytirish ko‘zda tutilmoqda.
