Yoshlarning bo‘sh vaqtini mazmunli tashkil etish, ularni kasb-hunarga yo‘naltirish hamda ijodiy salohiyatini rivojlantirishga qaratilgan amaliy tadbirlar muhim ahamiyat kasb etmoqda.
Shu maqsadda Muzrabot tumanidagi “Kelajak” markazi xodimlari va bir guruh o‘quvchilar “Beshbuloq” yozgi sog‘lomlashtirish oromgohida tashkil etilgan “Mohir qo‘llar” hamda “Kasblar kuni” tadbirlarida faol ishtirok etdi.
Tadbir davomida o‘quvchilar tasviriy san’at, tikuvchilik, rassomlik, kulolchilik kabi kasblar bilan yaqindan tanishib, o‘z qiziqish va iste’dodlarini namoyon etdilar. Shuningdek, Muzrabot tumanining “Turon” teatri va “Iqtidor” ansambli jamoalari badiiy chiqishlari bilan tadbirga yanada ko‘tarinki ruh bag‘ishladi. Bu kabi tashabbuslar yoshlarning kasbiy qiziqishi, ijodiy tafakkuri va ma’naviy kamolotini yuksaltirishga xizmat qilmoqda.
