Yoshlarning kitobga bo‘lgan qiziqishini yanada oshirish va ularni rag‘batlantirish maqsadida Prezidentimiz tomonidan “Yoshlar orasida kitobxonlik dasturini keng joriy etish va ularning qiziqishlarini qo‘llab-quvvatlash to‘g‘risida”gi farmoyish qabul qilindi.
2026-yildan boshlab har yili umumta’lim maktablari o‘quvchilari o‘rtasida milliy kitobxonlik harakati o‘tkaziladi. Tanlov 3 bosqichda tashkil etilib, dastlabki bosqich “kitobxonlikharakati.uz” platformasi orqali onlayn tarzda o‘tkaziladi. Keyingi bosqichlar esa viloyat va respublika miqyosida tashkil etiladi.
Ishtirokchilar yosh toifalari bo‘yicha saralanadi. Ayniqsa, 6–8-sinf hamda 9–11-sinf o‘quvchilari uchun katta mukofotlar belgilangan. G‘oliblar 50 ming AQSH dollarigacha pul mukofoti va diplom bilan taqdirlanadi. Shuningdek, sovrindorlar hamda qo‘shimcha nominatsiyalar g‘oliblari uchun ham yirik pul mukofotlari ajratiladi.
