Xitoy–Qozog‘iston–O‘zbekiston–Afg‘oniston yo‘nalishida ilk konteyner poyezdi yo‘lga qo‘yildi. 50 ta konteynerdan iborat yuk poyezdi Xitoyning bir nechta stansiyalaridan o‘tib, Qozog‘iston va O‘zbekiston orqali Afg‘onistonga yetib boradi.
Mazkur yangi yo‘nalish mintaqalar o‘rtasidagi savdo aloqalarini mustahkamlash, yuk tashish muddatini qisqartirish hamda tranzit imkoniyatlarini kengaytirishda muhim ahamiyat kasb etadi. “O‘ztemiryo‘lkonteyner” ma’lumotiga ko‘ra, 30-may kuni ushbu yo‘nalishda yana bir konteyner poyezdi qatnovi rejalashtirilgan.
