Jarqo‘rg‘on tumanida aholi murojaatlari bilan ishlash tizimini yanada samarali tashkil etish maqsadida yangi yondashuv joriy etilmoqda.
Endilikda har bir mahalladagi “mahalla yettiligi” haftasiga kamida ikki marotaba sayyor qabul o‘tkazib, fuqarolarning muammo va murojaatlarini joyida o‘rganadi hamda imkon qadar mahallaning o‘zida hal qiladi.
Tuman hokimi Ilhom Saparov murojaatlar ortida inson taqdiri turganini ta’kidlab, mas’ullarga aholi bilan yanada yaqin ishlash bo‘yicha qat’iy topshiriqlar berdi.
Mazkur tizim aholi muammolarini tezkor hal etish, ochiq muloqotni kuchaytirish hamda xalq roziligini ta’minlashda muhim ahamiyat kasb etmoqda.
