Jarqo‘rg‘on tumaniga tashrif buyurgan xitoylik investorlar bilan baliqchilik sohasini rivojlantirishga qaratilgan istiqbolli loyihalar muhokama qilindi.
Uchrashuvda zamonaviy texnologiyalar asosida intensiv baliq yetishtirish, qayta ishlash korxonalari, sovutkich omborlari hamda eksportbop mahsulot ishlab chiqarishni yo‘lga qo‘yish masalalariga alohida e’tibor qaratildi.
Tuman hokimi Ilhom Saparov hududdagi yirik ko‘lning tabiiy imkoniyatlari baliqchilikni rivojlantirish, yangi ish o‘rinlari yaratish va eksport salohiyatini oshirish uchun muhim ahamiyatga ega ekanini ta’kidladi.
Xitoylik investorlar esa hududning investitsion salohiyatiga yuqori baho berib, kelgusida hamkorlikda yirik loyihalarni amalga oshirishga qiziqish bildirdi.
