Ikkinchi jahon urushi davrida o‘zbekistonlik askar Boqijon Akramovning hayotini saqlab qolgan Buyuk Britaniya fuqarolari — Jon Le Breton va Fillis Emili Le Breton O‘zbekistonning “Do‘stlik” ordeni bilan mukofotlandi. Tegishli farmon Prezidentimiz tomonidan imzoladi.
Ma’lum qilinishicha, Ikkinchi jahon urushi yillarida ular Jersi orolida fashistlar lageridan qochgan Boqijon Akramovni o‘z uyida yashirib, hayotini saqlab qolgan. Tahlikali vaziyatga qaramay, ular insonparvarlik va jasorat namunasi ko‘rsatgan.
Mazkur e’tirof urush yillaridagi fidoyilik va insoniylik qadriyatlari unutilmasligini, xalqlar o‘rtasidagi do‘stlik va mehr-oqibat har qanday davrda yuksak qadrlanishini yana bir bor tasdiqlaydi.
Oila a’zolari askarni o‘z yaqinidek qabul qilib, uning xavfsizligini ta’minlash uchun maxsus yashirin joylar tayyorlagan. U bolalar bilan yaqin munosabat o‘rnatib, oilaning bir a’zosiga aylangan.
