Qarshi shahrida “Ijtimoiy ishda ta’lim, superviziya va kasbiy rivojlanish” mavzusidagi 2 kunlik trening muvaffaqiyatli yakunlandi. Unda Qashqadaryo va Surxondaryo viloyatlaridan supervayzerlar hamda oliy ta’lim muassasalarining “Ijtimoiy ish” yo‘nalishi professor-o‘qituvchilari faol ishtirok etdi.
Trening davomida sohada zamonaviy yondashuvlarni joriy etish, superviziya tizimini takomillashtirish va mutaxassislarning amaliy ko‘nikmalarini oshirish masalalariga alohida e’tibor qaratildi. Ishtirokchilarga yakunda sertifikatlar topshirildi.
Mazkur treningning xalqaro ekspertlar — Kolumbiya universiteti vakillari tomonidan olib borilgani uning ahamiyatini yanada oshirib, ijtimoiy ish tizimini yangi bosqichga olib chiqishga xizmat qilmoqda.
