Angor tumanining “Guliston” mahallasi hududidan tuman markaziga olib kiruvchi yo‘lda keng ko‘lamli obodonlashtirish ishlari amalga oshirilmoqda. Mazkur loyiha “Tashabbusli byudjet” dasturi doirasida moliyalashtirilib, buning uchun 1,5 milliard so‘m mablag‘ ajratilgan.
Ushbu tashabbus 2025-yil ikkinchi mavsum yakunlariga ko‘ra “Ochiq byudjet” loyihasi g‘olibi sifatida tanlab olingan. Ayni paytda mas’ul tashkilotlar tomonidan ishlarni sifatli tashkil etish va belgilangan muddatlarda yakunlash yuzasidan izchil choralar ko‘rilmoqda.
Mazkur obodonlashtirish ishlari nafaqat hudud ko‘rinishini yanada chiroyli qiladi, balki aholining kundalik harakatlanishi uchun qulay sharoitlar yaratishga ham xizmat qiladi.
