Uzun tumanida xurmo mevasini quritish va undan mayiz tayyorlash bo‘yicha amaliy taqdimot tashkil etildi. Unda sohada faoliyat yuritayotgan fermer va tadbirkorlarga xalqaro standartlarga mos, eksportbop hamda yuqori qo‘shimcha qiymatga ega mahsulot ishlab chiqarish texnologiyalari haqida batafsil ma’lumotlar berildi.
Mutaxassislarning ta’kidlashicha, ayniqsa, Yaponiya bozorida yuqori sifatli quritilgan xurmoga talab yuqori. Xom mahsulotni chuqur qayta ishlash orqali daromadni bir necha barobar oshirish, mahsulot tannarxini optimallashtirish va eksport geografiyasini kengaytirish mumkin.
Tuman hokimi Xabibulla Bozorov o‘z nutqida Uzun xurmo yetishtirishga ixtisoslashgani, aholining bu borada boy tajribaga ega ekanini ta’kidlab, zamonaviy agrotexnologiyalarni joriy etish mahsulot sifati va raqobatbardoshligini oshirishda muhim omil ekanini qayd etdi.
Seminar davomida ishtirokchilar o‘zlarini qiziqtirgan savollarga mutaxassislardan batafsil javoblar oldilar. Mazkur tashabbus hududda qayta ishlash sanoatini rivojlantirish, yangi ish o‘rinlari yaratish hamda eksport salohiyatini oshirishga xizmat qilishi bilan ahamiyatlidir.
