Surxondaryo viloyatida stol tennisi bo‘yicha “Ichki ishlar vaziri kubogi” musobaqasi yuqori saviyada tashkil etildi. 21 jamoadan 65 nafar xodim ishtirok etgan bellashuvlar murosasiz va qiziqarli bahslarga boy bo‘ldi.
Yakkalik bahslarida Izzatullo Teshaboyev 1-o‘rinni qo‘lga kiritdi. Juftlik va umumjamoa hisobida esa Qorovul qo‘shinlari qo‘mondonligi jamoasi g‘oliblikni qo‘lga kiritdi. G‘oliblar diplom, medal va esdalik sovg‘alari bilan taqdirlandi.
Mazkur musobaqa xodimlar o‘rtasida sog‘lom turmush tarzini targ‘ib qilish, jismoniy chiniqish va jamoaviylik ruhini mustahkamlashga xizmat qilgani bilan ahamiyatlidir.
